नवी दिल्ली:- संविधान दिनानिमित्त सर्वोच्च न्यायालय आपल्या आवारात डॉ. बी. आर. आंबेडकर पुतळ्याचे अनावरण करणार आहे. गेल्या वर्षी, 6 डिसेंबर 2022 रोजी डॉ. बाबासाहेब आंबेडकर लॉयर्स फॉर सोशल जस्टिस या वकिलांच्या संघटनेचे पदाधिकारी ॲड. प्रतिक बोंबार्डे, ॲड. जितेंद्र कुमार आणि ॲड. अभिषेक कुमार मुख्य न्यायमूर्ती यांचेसह सुप्रीम कोर्ट बार असोसिएशनकडे डॉ. बाबासाहेब आंबेडकर यांचा पुतळा सर्वोच्च न्यायालयचे परिसरात स्थापन करण्याची मागणी केली होती, जी की मान्य करण्यात आली आहे.
वरील तीन वकिलांनी भारताच्या सरन्यायाधीशांना पत्र लिहून सर्वोच्च न्यायालयाच्या आवारात आंबेडकरांचा पुतळा बसवण्याची मागणी केली होती. 26 नोव्हेंबरला भारताचे सर्वोच्च न्यायालय आपल्या आवारात भारतीय राज्यघटनेचे शिल्पकार डॉ. भीमराव आंबेडकर यांच्या पुतळ्याचे अनावरण करेल.
26 नोव्हेंबर रोजी संविधान दिनानिमित्त, सर्वोच्च न्यायालयाच्या आवारात भारताचे सरन्यायाधीश डी. वाय. चंद्रचूड यांच्यासह भारताच्या राष्ट्रपती द्रौपदी मुर्मू यांच्या हस्ते पुतळ्याचे अनावरण करण्यात येणार आहे. 7 फूट उंचीच्या या पुतळ्यामध्ये डॉ. आंबेडकर वकिलाचा पोशाख परिधान केलेले आणि हातात संविधानाची प्रत धारण केलेले आहे. सर्वोच्च न्यायालयाच्या आवारात समोरच्या हिरवळीवर आणि बागेत डॉ. आंबेडकरांचा पुतळा बसवला जाईल. सुत्रांनी दिलेल्या माहितीनुसार, प्रसिद्ध शिल्पकार नरेश कुमावत यांनी या पुतळ्याचे शिल्प केले आहे, जे सध्या हरियाणामध्ये याला फिनिशिंग टच देत आहेत. सर्वोच्च न्यायालयाच्या संकुलात सध्या महात्मा गांधींचा एक विधी आहे, जो भारताच्या न्यायालयाच्या मुख्य न्यायाधीशांच्या न्यायालयाचे समोर आहे.
Tags:
Ambedkar Lawyers Council
Constitution Day
Dr. Ambedkar Status
legal news
Supreme Court of India